975 53 510 (ikkje SMS) - For større tekst: Klikk CTRL+ post@skjaakhytteservice.no
«Dagen er ikkje heilt den same…»

«Dagen er ikkje heilt den same…»

Måråglytt, måndag 13. april -15.

«Dagen er ikkje heilt den same – utan Dora»
brukar eg å si. Dårleg med lufteturar blir det òg på meg… Slik har det vore etter påske.
Når hyttefolket reiste ned att frå fjellet 2. påskedag, vart Dora (etter avtale!!!) med eigaren sin. Utstilling i Bergen stod på programmet. Spennande!
dora utstilling bergen 11.04.15Men – vi må berre tilgje dommaren, som sikkert hadde ein litt dårleg dag 😉 -når han ikkje «såg» (det same som våre augo) at Dora var/er den finaste (?) av alle 8 hundane i gruppa hennar… 🙂
Uansett – for oss er ho den finaste, og det er det viktigste! Vi er vel alle litt som myrsnipa inn i mellom…
I går, når Dora skulle koma attende til oss, fann eg og Tor ut at vi skulle ta ein forsinka «påsketur» til Stryn for å møte ho. – Og kanskje kunne vi få ein smak av vår, når vi kom vest om fjellet…

Vi reiste frå finvêr her i Grotli…
grotli, kjossvingen, kjostjønnMen når vi kom vest i Breidalen, til fyllinga, møtte vi snøvêr.
rv15 fyllinga 12.04.15På vestsida av fjellet var det regn og heller grått… Men ærendet vårt fekk vi utført! Ei fin og nyfrisert Dora er no attende i fjellheimen, og var rask til å finne att plassen sin i sofaen!

Men kva med våren?
Når påska er over lurar ein på om vinteren snart skal sleppe grepet, og tek til å sjå etter våren. Sist helg var det finvêr og mildt – nesten så ein fekk litt vårfornemmelse også her på fjellet.
Men kor lenge varte det?
snøver grotli 13.04.15I dag har det, til tider, lava ned med snø!
Men det er ikkje unormalt med snøvêr her denne tida! T.d. i fjor auka snødjupna med 8 cm frå den 13. til den 14. april. Frå gamalt er den 14. april kalla 1. sumardagen.
Og kvar er dei, alle dei som «ropa» på snøen i haust, og såg fram til flotte skiturar? Eg meinte at vinteren kom til å bli lang nok, sjølv om snøen ikkje la seg før ved juletider.
No må dei passe på! I dag er det 5-10 cm nysnø – om eit par månader er snøen borte!
Men eg skal vedde at om ca 1 månad tek folk til å lure på om ein snart kan køyre til hyttene. Kanskje dei same som har sett fram til mykje snø…

Ein ting er sikkert:
Vêret og årstida kan ein ikkje gjera noko med.
Det blir nok vår her på fjellet òg! Vi må berre gje den litt tid…

* * * * * *

Vel overstått påske!

Vel overstått påske!

 Måråglytt, onsdag 8. april -15.

Påska 2015 er historie!
Og som vanleg – dagane går så fort! Både for dei som har påskeferie, og for dei som jobbar. Hytt’sørvis-karane har hatt nokre hektiske dagar, men det er som vi reknar med, og håpar på! Dagane starta ofte med løypekøyring, og som vi ser av biletet over, kan ein da få oppleva ein fin soloppgang inne ved Mårådalsmunningen.
Litt ruskevêr har det òg vore, men stort sett kan ein vel si at vêrmessigt har det vore ei fin påske. Og påskevêret held akurat! Når Tor køyrde ned dei siste som skulle ha transport om måndagskvelden, starta det å regne, og vinden auka på. Ut på morgonen vart m.a. riksveg 15 stengt grunna rasfare.
Oppdraga for hytt’sørvis-karane i påska er stort sett varetransport, for det meste i Grotli-området, men òg Breidablikk / Hamsevika, og nokre lenger aust som Nysetra- og Botnområda. Eit og anna «akuttilfeller» av andre ting brukar òg å dukke opp. I nokre av desse tilfella er det godt å ha gode kontakter med fagfolk som er i området på påskeferie, som stiller opp og blir med for å løyse problem for hyttefolket! Det kan ein ikkje ta som ein sjølvfylje!!!

Etter alle desse åra med hytteservice, tek karane til å få ein del erfaring med kva som kan oppstå, og kva det kan bli behov for. Mellom anna: det er alltid nokon som har startproblem når dei skal reise att, etter at bilen har stått ei vekes tid her på fjellet.
Som bilmekanikarar, og ein god porsjon «Petter Smart», har Geir og Leif ordna seg med stor hjelpestarter som dei har hatt her i påska dei siste åra.
hjelpestart flatt batteri
«Tradisjon tro» – det vart nokre behov for starthjelp i år òg.

Men det er ikkje berre Skjåk Hytteservice som yter service til hyttefolket i påska!
Eit flott tilbod, som m.a. eg nyttar meg av (og kan anbefale), er Matkroken i Bismo! Dei tek i mot varebestilling, og leverar varene på parkeringsplassen! Det gjeld områda Billingen/Nysetra, Grotli og Breidalen/Breidablikk. Da kan vi som er på hyttene t.d. nyte ein etterlengta skitur, i staden for å køyre ned i bygda for å handle. Om ein ynskjer, kan ein leige hytteservicen til å frakte varene heilt til hytta, eller hente varene på parkeringsplassen sjølv. 
påfyll av matvarer frå butikk, levert på parkeringsplass

– Her frå mottak av varer, levert av Matkroken no i påska.

Kor mange fullmåne-bileter eg har prøvd meg på, opp gjennom åra – det veit eg ikkje, men måtte forevige fullmånen i påska òg. Istappane ned frå vindskiene såg ut som perlekjeder når månen lyste på dei…

fullmåne
Håpar alle har hatt ei fin påske i fjellheimen!
Framleis kan vi få mange fine dagar framover våren, med kvite vidder og skiturar – for den som likar vårskigåing. Eller kanskje berre sitte ved hytteveggen og nyte finvêr og utsikt…

* * * * * *

Pin It on Pinterest